بالمصري الفصيح

on tv

شاهدوا ريم ماجد في برنامجها المميز بالمصري الفصيح علي قناةON TV nilesat  كل  مساء .  الصديقه العزيزه ريم … شديدة الثقافه ، محاوره محترمه ،ابتسامتها رائعه 
القناه جيده ، ترددها مجهول للكثيرين ،لا يوجد لها موقع علي الإنترنت ، مجرد صفحه هزيله  علي facebook  عدم وجودها أفضل ،
الفواصل بين البرامج  بطيئه ،الإيقاع يحتاج إلي سرعه و موسيقي لذيذه   القناه برمتها تستحق المشاهده  ،ولكن ريم ماجد أحلي ما فيها 
خليك  في النور

Advertisements

93 تعليق to “بالمصري الفصيح”

  1. مروة Says:

    مين ريم ماجد ومين القناة دية وما اهمية مايقدمة البرنامج انا لم اسمع عن هذه المذيعة ولا عن البرنامج ومن الواضح من الايقاع البطى انها متتشفش اصلا ممكن تتفرج على القاهرة اليوم افيد وابتسامة عمرو اديب اللى تجنن وحتى التردد مجهول هنتفرج ازاى انا

    إعجاب

  2. ريم ماجد Says:

    ماتحرمش يا دكتور يا جيرة الهنا:)))
    I very much appreciate your comments, the negtive ones even before the positive ones. Definetly you have a point concerning the rythm of the channel and we are working on it, knowing that we are ya dob 1 month old after the relaunch, so we still have a lot to give. please keep watching and commenting it’s very useful and dear to me. Thanks a million.

    أما بالنسبة لمروة، تقدري تشوفينا على نايل سات 12398 أفقي. برنامجي بالمصري الفصيح بيتذاع كل يوم من الحد للخميس الساعة 8 بالليل.. زورينا تجدي ما يسرك!!! وما فيش أي حاجة تمنع إنك تشوفينا وتشوفي القاهرة اليوم والحياة اليوم واي حاجة تانية بتتذاع في نفس اليوم برده!!! أو يعني زي ما تحبي!

    إعجاب

  3. زهير Says:

    مين الاخت ..

    وكيف يصح لها الاختلاط بنا في مدونتك يا دكتور 🙂

    إعجاب

  4. ريم ماجد Says:

    فيه مشكلة حقيقية!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    إعجاب

  5. adoool Says:

    ليه كده يا زهير ريم ماجد تنور المدونه و شرف كبير للمدونه انهاتكتب فيها و يا مروه اون تي في افضل قناه في الدش و بالمصري احسن من بالعربي عشان احنا مصريين و بس و اللي عنده كلام تاني يرد

    إعجاب

  6. ماجد Says:

    الاخت ريم

    انا عن نفسي متعود على برنامج القاهرة اليوم مش علشان ابتسامة عمر اديب و لكن لانه نبض للشارع المصري اللي كلنا نحبه

    و بالنسبة للمنافسة فلا تقلقي منها لو كان لبرنامجك حلاوته الخاصة فسوف يتابعك ملايين المشاهدين

    و بالتوفيق من خالص قلبي للاعلام المصري الجميل

    إعجاب

  7. Basma Emad Says:

    actually i havent watch this cahnnel before but i like its name khaleek fel nour but i do know Reem , she is a very good person and a nice lady i have never seen before any bad thing from her so i think what ever she presents it will be nice as her

    إعجاب

  8. ريم ماجد Says:

    Thank you so much ya Basma.. I really miss you. Hope you are doing well and to see u soon.. I ll be happy if you watch the show and tell me what you think.. Kaliky dayman fel nour with and without On Tv.

    أشكرك يا adoool على ترحيبك بي أخيراً .. أنا بصراحة كنت ماشية ومش راجعة تاني وما بقتش فاهمة أنا ليه ماليش مكان هنا؟!!! وعلى فكرة أنا مش هنا بصفتي مقدمة “بالمصري الفصيح” بس، أنا هنا كمان بصفتي “مصرية” قبل وبعد أي حاجة في الدنيا، قلبها على البلدي زي كل أعضاء المدونة ديه (على ما أنا فاهمة يعني).. بس بجد اتخضيت من بالرفض لمجرد إن ماحدش يعرفني!!! طب فين المشكلة؟!!! ماتعرفوني -و مش على الشاشة ولا حاجة- على الأقل هنا!!! على أي حال باشكرك.

    أما عن المنافسة يا ماجد فديه حاجة ما تخوفش أبداً مادام الواحد شايف شغله وبيبذل فيه قصارى جهده وبيذاكر كويس وبيراعي الناس وديه اهم حاجة.. هي في الحقيقة بتفرض تحدي لإثبات الوجود والمهنية وديه حاجة مهمة جداً وضرورية.. وبكل المقاييس: من جد وجد.
    اشكرك على تشجيعك واتمنى اسمع رايك قريباً في البرنامج وفي القناة عموماً

    إعجاب

    • thedirector Says:

      Is that really you Reem???????????? I can’t believe myself. If this you for real please tell me how to contact you. I your biggest fan in the whole country and I since I watched your show for the first time I never missed it . and I am so sad now because you are shining as u used to sine the beginning of ramadan. Hope you will be back so soon. Please Reem if you are the real great announcer I do respect and love let me know.
      نفسي ترجعي تاني بقى القناة ملهاش طعم من غيرك و اللي غايظني اكتر ان كل البرامج زي م هي؛ انتي الوحيدة اللي اخدتي اجازة في رمضان يا ستي رمضان سعيد عليكي و علينا و اكيد كان هيكون اسعد لو كنتي نورتينا ع الاقل مرة واحدة كل اسبوع.

      إعجاب

    • مايكل جرس Says:

      الأستاذه ريم,

      ببساطه انتي وبرنامجك من اكتر التوك شوز المحترمه جدا في مصر ويارب يكتر من امثالك.

      انتي قويه وجريئه وبتدخلي في الموضوع بقوه ومش بتضيعي وقت

      لكن اقسم بالله انا فعلا خايف عليكي لأن جرأتك الشديده دي انا مشفتهاش غير في واحد بس هو عمرو اديب.

      فا انتوا الأتنين يتخاف عليكم فعلا , وخصوصا انتي لأن يمكن عمرو ليه ضهر احتمال يقدر يتسند عليه .

      انا كمتفرج دائم لبرنامج حضرتك مش عاوز ابدا ابدا ان جرعه الجراه الشديده دي تقل.

      لكن ده ميمنعش اني كانسان مصري اصيل بكون قلقان علي حد كويس جدا كده من الجو اللي احنا كلنا عايشين فيه

      اتمني بجد انك تقري تعليقي واني اتواصل معاكي , لأني فعلا من اشد المعجبين ببرنامجك

      وربنا يوفقك يارب.

      إعجاب

  9. aziz Says:

    اعتقد انه اي واحد بيقدم برنامج او موضوع تعم فائدته لكافة شرائح الشعب ……وللمصلحه العامه (المصلحه العامه) اكرر المصلحه العامه ……………….ربنا يوفقه

    إعجاب

  10. from Wgdy Dimain by email Says:

    This chanel ONTV its gone from my reciev long time ago so I dont see it,
    sorry I dont know Reem.

    إعجاب

  11. مروة Says:

    اولا بالنسبة الاستاذ عادل انا فعلا معرفش قناة اون تى فى اطلاقا ومسمعتش عنها وعلى راى ماجد لو القناة والبرنامج حلوين ومفيدين كانت اكيد اتشهرت اما بالنسبة للانتماء والمصري مش معنى انك ياريم مصرية انى اوافق على برنامج وقناة انا لم اسمع عنهم من قبل انا بتفرج على المفيد لو البرنامج مفيد اكيد كان لاقا استحسان من الناس واتشهر وكل الناس سمعت عنة فدة مش معناة انى اقوللك انك هايلة انا بقول راى وانا متاكدة اتى مفيش حد معترض على اللى بقولة لانى فى المجمل القناة ناس كتير متعرفهاش والى يعرفها بيقول انها كيبئة ومش لذيذة فمن دخلش مصريتنا بالراى ياريم ومش معنى انى بقول راى بصراحة انى رفضاكى ولكنى رافضة البرنامج والقناة مش ريم

    إعجاب

  12. adoool Says:

    يا ستنا مروه طالما ما تعفرفيش و ما شوفتيش وما سمعتيش يبقى ازاى بتحكمى بالفشل روحى اتفرجى احسن لك

    إعجاب

  13. joseph emad Says:

    ana mashofesh el program bas a3raf on tv we 3aref reem enha mozi3a shatra ama 3an el kana fa hey fe3lan rateba we momela naw3an ma teshedesh el bi2aleb eno yewa2af we yetfarag 3aleha. ‘

    إعجاب

  14. Dr. Yassmen Says:

    بصراحة يا دكتور انا بعدي على القناة ده وانا بقلب في الدش بس بحس انها ايقاعه بطئ وشكلها قديم شويه وبعدين انا زهقت مت البرامج ده كله كلام في كلام ما بيزهقوش بس انا ما رضتش اقول راي لان لقيت الهجوم عليها كتير
    وانا مااعرفش ريم ومااقدرش اقول راي الا بعد مااتفرج على البرنامج
    وبما اني مش حاتفرج على البرنامج فبالاش احباط في البنت التر من كده هاهاهاهاهاها
    وبعدين انا حسيت ان معظم الناس متحفظين في رايهم في البرنامج يااما ماشفوش ياااما ماعجبهمش ماعدا مروة طبعا
    يارب تكون فهمت وجهت نظري

    إعجاب

  15. ماجد Says:

    انا شفت جزء من حلقة في البرنامج و بصراحة فوجئت باسلوب البرنامج

    النقد كان مباشر و بطريقة صحف الفضائح بدون ذكر مصادر الاخبار

    (محافظ المنطقة الفلانية زين مكتبه بمبلغ اتنين مليون جنيه و اهل المنطقة لايجدون مياة الشرب)

    انا انصح الاخت ريم تدور لها على محامي كويس من الان

    إعجاب

  16. dalia talaat Says:

    I know ON TV but not the program
    I’l try to see it
    as I trust your taste Emad

    إعجاب

  17. نرمين Says:

    يا جماعة البرنامج تحفة بجد والقناة جريئة وفعلا بتعرض مشكلات المواطن المصري الغلبان. أنا اشتغلت مع ريم في التليفزيون المصري بس أول مرة أشوفها بتقدم بالعربي… برافو يا ريم بجد وانتي بتقولي فقرة كلام في سركم حسيت إنك فعلا موهوبة في إلقاء الشعر العامي

    ريم أنا عاوزة أعرف مين اللي بيكتب فقرة كلام في سركم… دة شخص مصري حتى النخاع وقادر يكتب على لسان كل المصريين من كل المحافظات………. بجد تحفة ربنا يوفقكم

    إعجاب

  18. Safi Ezzat Says:

    شوفوا بقى
    انا معرفش القناة دى أصلاً فبالتالى مش هقدر احكم عليها
    لكن من اللى قرأته وفهمته من رد الأستاذة/ريم ان القناة بتحاول تطور نفسها وريتمها وده فى حد ذاته حاجة كويسة
    وكمان يا مروة مش دايماً الواحد بيتفرج على الحاجات المفيدة بس أحياناً تبقى نفسك تعدى اعدة روقان وتسمعى ام كلثوم وأحياناً اخرى تحبى تسمعى شعبان عبد الرحيم ومرة تشوفى فيلم رومنسى ومرة فيلم رعب ومرة برنامج مفيد ومرة توم آند جيرى
    لكن الحكم على حاجة ماشوفنهاش أكيد مش هيبقى مظبوط
    وأوعدكم إنى هنزل القناة وأشوف البرنامج وأقولكم رأيى.

    إعجاب

  19. مروة Says:

    بس ياصافى انا اتفرجت على القناة والبرنامج ومش عجبونى خالص وانا بقول راى

    إعجاب

  20. إيمانيات Says:

    I watched the programme accidently then i remembered this post

    it was nice but I hate watching the TV :S

    إعجاب

  21. sally Says:

    dear Reem i don’ t remember hearing anything about the channel. i think the channel has a marketing problem!! i am really so excited to watch your show. people say that On TV is boring and depressing , i haven’t seen it yet but i assume that most of the viewers got used to the noisy flashy TV shows or channels. they got used to a certain style and they do not accept new things easily. but i’ve noticed here… this topic has been one of the most controversial topics written by Dr. Emad. So u got people interested even that some of them said negative things about your show but at the end they said something:)
    even marwa who didn’t know the channel, she searched for it and watched your show…hehe

    إعجاب

  22. Safi Ezzat Says:

    يا مروة انا مش معترضة على رأيك خالص انا بس عايزة اقول انه مش دايماً الواحد بيشوف الحاجات المفيدة بس وانه ممكن حاجة تعجبك ومتعجبش غيرك والعكس لكن اللهم لا إعتراض يا ستى

    إعجاب

  23. احمد فهمى Says:

    للامانه انا اتفرجت على حلقتين من البرنامج وكان حوار هايل جدا جدا
    واسلوب رائع فى الخبر اللى بتقدمه
    الله ينور عليكى يا ريم

    إعجاب

  24. adoool Says:

    Ya Reem congratulations u won 6 / 4

    إعجاب

  25. سارة العاصي Says:

    جملة دايما بقولها , و دايما الناس بيوافقونى عليها لكن مبيعملوش فى الغالب بيها , و هى اللى مش عاجبه حاجة او معترض على سياسة او ادارة اى شخص , قبل ما يعترض يفكر معاه على حل , لانى من وجهة نظرى الاعتراض دون اقتراح حلول بيبقى نوع من انواع النقد الهدام , او بمعنى اصح الانتقاد لمجرد ابراز عيوب شئ او شخص معين , لو قلبنا على بعض بجد هنقول ايه هى بالظبط النقاط اللى معترضين عليها و ايه المقترحات لتحسين النقاط دى ,,
    و بعدين اللى بيقول ان الفواصل مش عارف مالها او الفقرات كئيبة او … او ….. مال ” ريم ” و مال حاجة زى دى , ريم مجرد موظفة فى جزء معين فى القناة , سواء فى كاست الاعداد او التقديم هى ملهاش علاقة بالفواصل , ليه علقتولها المشنقة فى حاجة مش بإيديها , البنت بتتعب و بتعمل شغل سواء عجبكوا او معجبكوش ميصحش يبقى النقد لاذع بالمنظر دة , حطوا نفسكوا مكانها … ترضوا حد يعاملكوا بالطريقة دى ؟؟!!!!!

    ا / ماجد ::::: نصحت ريم يأنها تشوف محامى كويس ليدافع عنها فى تهمة هى ملهاش ذنب فيها اصلا , على اى اساس جعلتوها ضحية … على اى اساس جعلتوها متهمة ,,, القضية خسرانة يا عزيزى لعدم وجود متهم …

    زميلتى فى المهنة ” ريم ” ::: انا مقدرة اوى اللى انتى فيه و مقدرة جدا المجهود المبذول و اتعبى و ربنا مبيضيعش تعب حد , و انا اتشكرلى كتير فى القناة و البرنامج من ناس فى المجال الاعلامى ….. اعملى باجتهاد و لا تلتفتى لحجارة الفلتاء .

    ايها المعترضون::: أضيئوا شمعة خيرا ألف مرة من ان تلعنوا الظلام

    إعجاب

  26. مروة Says:

    انا راى ان كل واحد يقول راية بصراحة دية قناة انتى ياسارة ممكن تكونى بتتفرجى عليها انا غيرك فلان غيرنا احنا الاتنين فكل واحد يقول راية بصراحة ومش معنى انى الواح بيقول راية انة بهدم بالعكس علشان النقد ممكن ينفع

    إعجاب

  27. سارة العاصي Says:

    انا مش بدافع عن القناة دى بعينها , انا بتكلم بشكل عام , القناة سواء عاجبانى او مش عاجبانى او حتى البرنامج , من الاصح ان النقد يكون بناء و زى ما انتى قلتى النقد ممكن ينفع , و دة لما ننقد بإبداء نقاط ضعف معينة و اراء او مقترحات لتحسين النقاط دى ,,,, هنا يكون النقد بناء ….. و يا فندم اختلاف الرأى لا يفسد للود قضية ….. و لا ايييييييييه ؟؟؟؟ :-))))

    إعجاب

  28. مروة Says:

    مظبوط يافندم

    إعجاب

  29. زهير Says:

    اخيرا شفت القناة وشفت برنامج ريم

    البرنامج جيد ..

    والقناة عموما تسير على خطى قناة دريم وهو امر طبيعي وشرعي واعجبني مستوى الحرية ..

    ولكنها تحتاج الى وقت وجهد اكبر.

    إعجاب

  30. تلميذتك أنا Says:

    لن تتغير
    كل ابطالك نبلاء في زمن الغوغاء
    و لكن الثناء كل الثناء لمن تثني عليه … لأنه اكيد يستحقه

    القناه صعب الحصول عليها في الولايات المتحده
    أثق في رائ أستاذي ..
    ريم متأكده من روعتك

    إعجاب

  31. راجى Says:

    ريم ماجد جميلة وظريفة ولكن عندى تحفظ على اللقاء بين صفوت حجازى والصحفى نبيل
    واريد ان اعرف كيف اتواصل مع ريم مباشرة

    إعجاب

  32. thedirector Says:

    this is so stupid!!! how can you guys judge some one you don’t know or ever seen??????? I watch this show and in my opinion this is the best show in the channel and also among the talk shows in general. and according to Reem I really respect her and see that she is one of the best announcers I have ever seen, I used even to watch the show twice each day.

    يا جماعة بطلوا الجهل دة بقى طول م احنا بالاسلوب دة مصر عمرها م هتتقدم. بدل م تصدروا احكام كدة من غير حتى م تشوفوا البرنامج مرة و اتنين و تقيموة استنوا و شوفوا البرنامج و بعدين ابقوا انقدوا براحتكم. و بعدين انا مش فاهم ازاي تهاجموا المذيعة بالشكل دة انا عمري في حياتي م شفت مذيعة زيها فى بساطتها و ثقافتها كمان اسلوبها المتميز في الحوار. انا شخصيا بحبها جدا و بعتبرها من افضل المذيعات ع الاطلاق .
    اتنمى انها تعود قريبا و تتحفنا بطلتها الرائعة و رؤيتها المتميزة.

    إعجاب

  33. ريم ماجد Says:

    يا نرمين: أنا (وأعوذ بالله من كلمة أنا) اللي باكتب كلام في سرك.. وتأكدي إني لو ماكتبتوش بإيدي ومن عقلي وقلبي، عمري ما هاعرف أقوله. أنا الفرحة مش سايعاني من وصفك للي بيكتب من قبل ما تعرفي لإن أنا مصرية بالأوي وأفتخر.

    For Adoool: Thanks for the score 🙂

    For Ragy: I very much appreciate your opinion and I’d like to know your remarks about the mentioned episode. So you can join our official group on facebook
    http://www.facebook.com/home.php?#/group.php?gid=267935825584

    For thedirector: Thank you very much again and please keep watching. Waiting for your comments on facebook.

    For all:
    أنا سعيدة!!! بس كدة :)))

    إعجاب

  34. thedirector Says:

    Oh God? I swear by God that the only reason for me to use the onternet at this moment was only to figure out the new time of your show Reem{plz forgive me to call you just Reem, but I just don’t know what else I suppose to call you with.any way tell me what whould you like me to call you and I will} I kept watching On TV yesterday till 3am then I lost the hope to watch you, I don’t know what is the new time of it so plz plz send me the time coz I really miss you and the show

    إعجاب

  35. Tamer Says:

    For adoool: It’s very weird that you are raising a weird issue to make us watch the program which it’s using “Masy”. With all my respect to your opinion, I don’t believe there is such a thing and I think most of us “Egyptians” don’t know that there is something named Masri which is different than Arabi! If you wanna try to make it popular using such channels and programs this is a different issue but you can’t claim that it exists in our real life.

    At last, I’m boycotting any channel that is trying to make such things popular cause they wanna change our history and present.

    I’m Egyptian Arabic and proud 🙂

    إعجاب

  36. Tamer Says:

    For Sara, I’m not sure if it’s my responsibility as a watcher to think of ways to improve a channel between hundreds others. I believe I’ve much more other interests other than thinking how could the employees at one channel improve it. There are hundreds channels and thousands programs and not many are good, if I didn’t like one of them I’ll go for the existing few programs and channels and won’t think how the other thousands can be improved.

    إعجاب

  37. adoool Says:

    العرب مكانهم شبه جزيره العرب فمصر و ألعراق و الشام و السودان و المغرب ليسوا عرب و لكنها بلاد احتلها العرب بالقوه و نشروا فيها ثقافتهم و لغتهم فهل يحق لاحد طمث هويه هذه البلاد و اطلاق كلمه عرب عليهم ؟ بل دعني اسالك لماذا ايران ليست من العرب ؟ و هل يصبح الامريكان و الاستراليين انجليز لانهم يتكلمون الانجليزيه ؟

    إعجاب

  38. شاعر في زمن بلا مشاعر Says:

    تحياتي الخالثة إلي الأخت الإعلانية ريم علي ما يتناوله بالبرنامج من جوانب زات أهمية علي الصعيد المصري

    كما أنحني إعجابا بالحلقة التي تناولت إستعدادات وزارة التربية و التعليم في مواجهة إنفوانزا الخنازير .. و عن مدي الهدر في ميزانية الدولة و أجور الوزراء

    كما أنني أناشد سيادتكم برفع الحلقات علي شبكة الإنترنت حتي يتسع للجميع المجال في متابعة أكبر للبرنامج..

    تحياتي لكل من يرفع إصبعه في وجه الخطأ و يواجهه

    أعشق بلدي

    إعجاب

  39. haitham mohamed reda Says:

    انا بجد من اشد الموعجبين بيكى يا ريم و بالبرنامج و خاصه فقره كلام فى سرك و اعدت ادور على ال facebook واقلت اكيد حد محترم و بيقدم حاجه جاده كده هيبقالوا معجبين و عملين ليه group لحد م وجدت ليكى Group و فرحت اكتر لما لاتو ال official group وعملتلك add على الfacebook و بعتلك message قلتلك فيها انى فعلا باحترمك و من المعجبين بشخصيتك و برنامج بالمصرى الفصيح و دائما للامام وانا عارف انك من حقك يكونلك خصوصيه و متعمليش confirm لاى حد بس كنت منتظر على الاقل رد على ال message و برضه مالش اغجابى بيكى و فضلت ادور على google عن ريم ماجد و كل حاجه عنها لغايه ملات المدونه و انا مبحبش المونات عامه بس فرحت ان فى حاجه ممكن تخلينا نتواصل و على فكره انا قرات عنك مقاله و انا ببحث فى سيرتك الذاتيه و عارف انك اشتغلتى 12 سنه فى النيل الدوليه كمقدمه للنشره الفرنسيه بس يمكن الناس مش عارفاكى عشان ال لوك كان مختلف شويه بس انا لما شوفت الصوره افتكرت او عشان مبقاش كداب حاسس انى شوفتك قبل كده المهم نرجع لموضعنا و بعدها اشتغلتى كمخرجة أفلام وثائقية لصالح الجزيرة أطفال و اكيد ما شوفتكيش ساعتها انا بقول الكلام ده عشان البيقول انو ميعرفش مين ريم ماجد بس انا ملاحظ يا ريم ان دخولك مش كتير على المدونه انا اول مره ادخل ذى ما قلت المدونه و المدونات عامه وكان عشانك يا ريم بس لاحظت ان ردودك بتبقى على فترات بعيده و على ال facebook حاسس انك مش مديالوا اهميه خالص و معتمده على عمر حسين و هو معتمد عليكى و مفيش تواصل و فى النهايه اتمنى لكى التوفيق

    إعجاب

  40. القبطان Says:

    اتمني وجود ايميل لبرنامج بالمصري الفصيح لنتمكن من المراسلة

    لان البرنامج ممتاز ويستحق المشاهدة

    إعجاب

  41. Hazem Iskander Says:

    انا حقيقى معجب جدا باسلوبك ومواضيعك والبرنامج كله وبلاخص كلام فى سرك جميل واسلوبها دعابى جدا وعرفت انك انتى اللى بتكتبيها بنفسك ربنا يوفئك ومن نجاح الى نجاح

    إعجاب

  42. حاتم صبرى Says:

    يصراحه انت لبقه واسلوبك مريح…تمنياتى لك بالنجاح..ولا تتاثرى باراء الحاقدين وفقك الله………

    إعجاب

  43. ONTV « مُـشاهد Says:

    […] من ست اشهر منذ إطلاقها وقد تابعت بعض برامجها مثل “بالمصري الفصيح” و “من الناس ” والتي تبنت فيها القناة الاعتماد […]

    إعجاب

  44. القبطان Says:

    ارجو منكم عنوان الايميل الخاص بهذا البرنامج ولكم جزيل الشكر

    إعجاب

  45. مروه خيرالله Says:

    بجد يا ريم انا مبسوطه بيكي قوي وبجد احب اتعرف عليكي واتواصل معاكي بشكل شخصي لو طبعا سمحتيلي انا مصريه من القاهره
    والي خلاني اطلب منك الطلب ده اني بصراحه عايزه اعترفلك بإني ما كنتش باستطلطفك وانا متأسفه جدا من كلامي ده وباطلب منك تسامحني على سرعة اتهامني
    لكن والله بجد بعد ما تابعت برنامج متابعه منتظمه حسيت انك انسانه صادقه قويوحسيت انك فعلا عايزه تعملي حاجه للناس مش لنفسك بس وانا دايما بادور على حد ليه نفس الاولويات من جيلنا
    واذا سمحتيلي بطلبي هبقى اقولك ايه بالظبط الي كان مش مخليني استلطفك
    وآسفه مره تاني
    دا ايميلي marokak2003@hotmail.com
    وهو نفسه على الفيس بوك
    تحياتي

    إعجاب

  46. د أيمن Says:

    المزيعه الفاضله المتألقه ريم ماجد مش عزرك ان فى ناس مش بتشوفك او بتابع برنامجك الهائل ده للاسف مشكلة ثقافه ومعرفه للشباب المصرى اللذى فى اولوية اهتماماته اخبار النجوم والفنانين أما البرامج الحواريه الهادفه ام دم تقيل مش مقبوله للاسف الشديد فلا تلتفتى لهؤلاء ووطنا الغالى من حسن حظك ملىء بالمواد القابله للنقاش فيكفيكى متابعة شاب مصرى واحد وارجو لكى التوفيق

    إعجاب

  47. د أيمن Says:

    ممكن ياريم اعرف ازاى احصل على بعض حلقات البرنامج؟

    إعجاب

  48. Hazem Iskander Says:

    بصراحه انت شخصيه لبقه وجميله واكثر من رائعه من فضلك عاوز طريقة اتصال بالبرنامج لانى بحاول كتير بالتليفون بدون فايده لو امكن email البرنامج او اى طريقه اخرى
    وشكرا

    إعجاب

  49. بشير Says:

    السيدة ريم ماجد المحترمة

    تحية طيبة وبعد،
    منذ تعرفي وبمحض الصدفة على (بالمصري الفصيح) وأنا معجب بالبرنامج وبالمواضيع الساخنة التي يعرضها وبطريقة تقديمك لها .
    صحيح أن المواضيع (محلية ومصرية بحتة) ويمكن أنها لاتهمني (باعتباري سوري) ولكن هناك مثيل لها في كل مكان … وعلى امتداد هذا الوطن العربي الذي لا قيمة ولا كرامة للإنسان فيه أمام جشع أولي الأمر.
    تأثرت جداً بحلقة (زينب ومحمد) وما جرى لهما ولطفلتهما. وكان تأثري كبيراً بصورتك على الشاشة. وعلى ما تركته القصة عليك من انطباع بدا واضحاً على وجهك رغم محاولتك إخفاء ذلك. كنت أود أن أتصل بالبرنامج وأرد على الطبيب مدير المشفى المحترم ولكن… !
    سيدتي الفاضلة.
    بـ (العربي الفصيح) بت (مدمناً) على متابعة برنامجك وطريقتك في عرض الأحداث وأكثر ما يعجبني فيه و(الكلام في سرك) أسلوبك الرائع في السرد فهو يشدني كثيراً. فـ(الحدوتة) التي تقديمها يجب أن يخصص لها برنامج منفرد يومي.
    أرجو تزويدي بعنوان البرنامج الالكتروني لأتمكن من التواصل معكم.
    مع تمنياتي لك وللبرنامج بدوام النجاح وفقك الله وتقبلي فائق احترامي.
    بشير.

    إعجاب

  50. hafez Says:

    المحترمة ريم ماجد انتى اكتر من رائعة اسلوبك فى غاية الاحترام والجاذبية الشديدة جدا اتمنا احصل على الاميل الخاص بيكى ربنا يوفقك

    إعجاب

  51. دعاء توفيق Says:

    السلام عليكم … بجد يا ريم انتى مميزة وكمان انا بدات اتبعك من فتر ة صغيرة بس ادى ايه انتى مذيعة محترمة ولابقة وجميلة بتوفيق ان شاء الله وكمان نفسى اطلب منك انك تحملى فقرة نقل المقابر واللى كنتى مستضيفه فيها م محمد الخطيب عشان ان محتاجة الفقرة دى قوية

    إعجاب

  52. ChiniVennalat Says:

    , ;-), 😉 🙂

    إعجاب

  53. دعاء توفيق Says:

    السلام عليكم ……… وصباح الفل على اجمل مذيعة .. ازايك يا ريم .. عاوزة اقولك انه بجد اسلوبك مميز وانا بجد عجبنى اسلوبك فى الحوار واصبحت من المتابعين لكى … وان شاء الله مزيد من التفوق والنجاح ..

    إعجاب

  54. Manal Elkhoshkhany Says:

    Hi Reem

    I am watching you right now as I am typing this. I was dying to find a site for ONTV just to be able to talk to you. I do not think that any other TV presenter had caught my attention and caused me to follow each & every episode of his except you. You are a cultured, well-spoken, and definitely civilized person. I do not have a comment about the content you are presenting since it is all a shame, unfortunately the who country is going down the drain, but it is people like you who give me hope in the future. Keep it up Reem and I will be in contact with you regularly. god bless you begad

    إعجاب

  55. كريم Says:

    ازيك ياستاذه يافاضله ياريم بجد برنامج فوق الخيال والروعه ربنا يوفقك ويكرمك واشوفك احسن مذيعه في الدنيا كلها كان نفسي اشوف الحلقه بتاع البنت الطفله اللي اخدت ادويه

    إعجاب

  56. دعاء توفيق Says:

    تحياتى الى الجميلة والمحترمة ريم ماجد … وتحية الى فريق الاعداد وعلى ما يتم تقديمه والذى بدوره يحترم عقلية المشاهد .. واود انا اسجل اعجابى بفقرة مشروع تخرج طلاب كلية الاعلام (( الديانة مصرى )) ، وفقرة الطفلة شهدة وياريت نعرف ايه الجديدة فى قصتها ، وفقرة الاديبة والشاعرة منى حلمى كانت اكثر من رائعة ، وكل ما يتم تقديمه فى بالمصرى الفصيح .. المزيد والمزيد من التقدم والنجاح لصحابة الابتسامة الرائعة …. واتمسوا بالعافية

    إعجاب

  57. محمد عباس Says:

    يا ريم انا عندى اشياء كثيرة وموضيع كثيرة للبرنامج يا ريت حد يكلمنى وانا عندى مواضيع هتكسر الدنيا وكلة بلا ثبات تليفوتى 0146653909
    يا ريت حد يتصل

    إعجاب

  58. محمد عباس Says:

    انا عندى لواء من ايام الثورة كان سبب فى منع نزول المطربة صباح وعندة اسرار كتيرة وعندى مخترع اخترع اشياء هتهز الكون
    ارجو الاتصال بى 0146653909

    إعجاب

  59. الهرم المصرى Says:

    السلام عليكم ورحمه الله وبركاتة
    بعد التحية
    أحب أتوجه بالشكر للأستاذة ريم وسيبك من الناس ألى بيحبطوا الغير بجد برنامجك محترم وهادف للناس المحترمه ألى بتدور على الشىء الكويس
    ده مايقللش من أحترام البرامج الآخرى ولكن يدخل فى زمرتهم عموما ياريت تعملى مدونه ليكى أو موقع لكى نتواصل بيكى ونستفيد من أرائنا وأرائك
    شكرا ليكى

    إعجاب

  60. Eman El-Mofty Says:

    Dr. Emad,

    I really enjoy reading your posts on your website and i enjoy reading the comments even more.
    Im Dr. Magda’s younger Daughter, Eman.
    Concerning my comment. I love watching Reem’s Show and I think that the show is doing great and i predict that it will thrive to the better always. Reem is an excellent presenter with an amazing carizma, her style is one which i admire.
    The Channel in itself to me is wonderful, true it is a bit too serious but i have watched many documentaries which we quite interesting and that is to say quite useful. 😀
    Maybe we do need a change in the types of channels we watch maybe we need a serious channel.
    Maybe we should learn to accept each other rather than open fire on each other.
    (Love your Show Reem i didn’t know you wrote “Kalam fi serokom” yourself, you get 2 points from me :D)

    إعجاب

  61. اماني انور بولس Says:

    نتشرف نحن جمعية الديار المتحابة الخيرية
    أول جمعية خيرية بمصر والشرق الاوسط تضم النسيج الواحد قطبي الامة من كافة المصريين مسلمين ومسيحيين تحت مظلة واحدة وهي الديار المتحابة
    لدينا اهداف ومباديء كثيرة ومهمة لذلك نتشرف بمقابلة سيادتكم
    أماني أنور بولس أمين عام الصندوق 0121996771 و سعيد محروس محمد رئيس مجلس الادارة 0119543357
    مع تقديرنا واحترامنا

    إعجاب

  62. moshera Says:

    يا ريم أنا بحبك أوييييييي وبحب البرنامج وكل فقراته حلوة وخصوصا كلام في سركوا وبتمنالك التوفيق

    إعجاب

  63. Marwa M. Says:

    بالمصرى الفصيح برنامج هايل، أول مره اقدر اشاهد برنامج حوارى من أوله لاخره، للأسف اكتشفته متأخر، يناقش موضوعات مهمه بطريقه مختلفه و غير ممله اطلاقا، أنا شخصيا بتهمنى معظم الموضوعات التى يناقشها(not all). ريم من اسرار نجاح البرنامج، شخصيه محترمه و ذكيه فعلا، و طبعا زى كل الناس بحب كلام فى سرك جدا very clever idea طابع مميز للبرنامج.
    اقترح ان تناقش مشكلة الخدمات فى البلد اكثر و مقارنتها بما ندفع من ضرائب.
    شكرا على البرنامج الرائع.

    إعجاب

  64. اشرف صابر Says:

    انا نفسى ياريم ماجد اشارك معاك فى البرنامج باراء ومقترحات ولكن فترة الاتصال قصيرة جداولا يوجد الا رقم الفاكس ارجو اظهار ارقام التليفونات على الشاشة فترة طويلة وشكرا لك على البرنامج الجيد اللى بيعبر عن مايدور بخلد كل مصرى

    إعجاب

  65. د عاطف حنا Says:

    الاخت المحترمه ريم ماجد
    كلامك واسلوب تقديمك وافكارك التى تطرحينها على الضيوف وحسك الانسانى العالى الذى يظهر من تعبيرات وجهك الصادقه يدل على انك انسانه موهوبه ومثقفه ومذيعه رائعه بل الاروع فيهن على الاطلاق اتمنى ان اعرف بريدك الالكترونى او اى وسيله للتواصل معك

    إعجاب

  66. خالدابوساعد Says:

    لو سمحتم عايز اشوف حلقةالامس بتاريخ 21 مارس 2010 ومش عارف ارجو المساعدة

    إعجاب

  67. خالدابوساعد Says:

    قرية عرب ابوساعدتتع محافظة حلوان فيها اكثر من 40الف نسمةمحددة بحدود اربع 00000000000000000000000الحد الشرقى 530 قمينة طوب احمرو2مصنع للاسمدةو محطةضخمة للصرف الصحى يصب فيها صرف حلوان والقاهرة
    ومصانع صوف صخرى ومصانع رخام وكسارات ومصانع اعلاف مصنع للغراء000000000وغيرها0000000000000000
    الحد الغربى مصنع للعلف ومئات الافدنة بور تحولت الى بحيرة للصرف الصحى اصبحت مزارع للباعوض 0000000
    الحدالبحرى مصنع الصديد والغلب قصدى الحديد والصلب والكوك والكيماويات الاساسيةو محطتين رفع لرفع الصرف
    الصحى للمحطة الكبيرة شرق القرية 0000000000000000000000000000000000000000000000000000000000
    الحد القبلى الاف الافدنة البور بفعل محطة الصرف ومعاهم محطة صغنونة للصرف00000000000000000000000000
    خش بقى على الخدمات00000000000000000000000000000000000000000000000000000000000000000000
    خدمات صحية000صفر000عمال المصانع واهالى القرية تخدمهم وحدة طب وقائى للتطعيم فقط000000000000000
    صرف صحى000 صفر000مع العلم ان الصرف دخل القرى المجاورة حاليا والعرب كفاية عليها المحطات الموجودة000
    خدمات التعليم000000000000000000000000000000000000000000000000000000000000000000000000000
    صفر كبير ذى صفر المونديال كان فية مدرس اللغة العربية معاق ذهنيا موجود 4سنوات فى المدرسه الابتدائى بعرب ابو ساعد والنتيجة طلبة الاعدادى لايقرئون العربى المدرس اسمة كرم واللة العظيم معاق ذهنيا0000000000000000
    الكهرباء00000حاجة تكسف خالص مع العلم بها محطتين للكهرباء وبيمر بيها اكتر من30 كابل ضغط عالى 00000000 المياة0000000حلوة بس المواسير اسبستوس ممنوع على مستوى العالم من 40سنة فيها طحالب نادرةووووو00000 التشجير 000صفرين00توصلت لاتفاق مع المهندس عادل الدنف رئيس مجلس ادارة حلوان للاسمدة بتشجير 1500متر بطريق الاوتوستراد المار بعرب ابو ساعد تتكلف الشركة جميع النفقات بشرط موافقة رئيس مجلس المدينة اسمة اللواء ممدوح سالم1اللى رفض التبرع وقالى اللى عايز يتبرع يجي لي وانا احدد المكان واشجر بنفسى واصر على عدم تشجير العرب ودة تليفونى 0104902444 و0189993904و25022227
    لوحبيتوا تشوفوا مشاكل الناس الغلابة

    22

    إعجاب

  68. محمد على Says:

    بجد ياريم لقأتك قويه جدا لبقه جدا هادفه
    وفرحت جدا وأنا بتصفح انى عطرت فى مدونه زى دى لكى أعبر عن رأيى
    وأتشرف بلقائك أيتها (المصرية الفرعونيه الفصيحة)

    إعجاب

  69. Dr. NADY NASHED Says:

    pharaohs mummification science
    I discovered pharaohs mummification science
    I discovered the gas of mummification
    the cause of the death of the Egyptologist in Egypt
    most of the important knowledges on pharaohs science
    You can help me
    Dr. NADY NASHED SHENOUDA
    Please help me

    إعجاب

  70. د. أحمد Says:

    أود أن أبلغ رسالة إلى الأستاذة ريم ماجد بعد أن فشلت في محادثتها هاتفياً:
    إنسانة محترمة .. مثقفة .. بشوشة .. ضحكتها مميزة .. منطلقة.. إسلوبها يقربك منها .. تجيد اختيار ضيوفها.. والاستماع لضيوفها .. وتعرف متى تسكت ومتى تتكلم أو تسأل .. وكمان هي فنانة وشاعرة كبيرة جدا جدا ومرهفة الحس ومواكبة للأحداث بطريقة مذهلة في فقرتها الخاصة كلام في سرك

    أرجو ياريم أن يديم الله نعمه عليك ويكثر من أمثالك بعد أن نجحت في أخذ حصة كبيرة من سوق برامج التوك شو وحقيقي أنت رائعة

    وأرجو وضروري جدا ً أن أعرف من أين أحصل على كل فقرة كلام في سرك التي أذيعت من بداية البرنامج وياريت يتم نشرها في كتاب
    تحياتي وفي انتظار الرد

    إعجاب

  71. Yasser Samaha Says:

    I’m old man and due to my career I commenced to watch you 4 or 5 months ago only.
    1st time I watched your program I said your father should be lucky to have such incredible daughter!
    But 2nd day I realized that Egypt are very lucky to have such person especially nowadays!!!

    Yesterday you killed the remaining hope and to the most of real Egyptian people and I realized that the corruption crashed the goodness

    إعجاب

  72. عراقي Says:

    برنامج جميل جدا وانا معجب بشخصية المقدمة ريم ومعجب بطريفة التقديم فراس من العراق

    إعجاب

  73. اشرف فتحى عبد العزيز Says:

    يا ناس يامسلمين يا اقباط ارحو لمين اشتكيت لطوب الارض ومافيش فيدة مفيش ضمير صاحى ومفيش
    عدل ومفيش حق ومفيش زمة ومفيش انتماء طيب حلنا حينصلح ازاى لعن اللة قوما ضاع الحق بنهم

    اشرف فتحى عبد العزيز
    my_life201@yahoo.com
    منشية النور11ش راشد بنها قليوبية
    0122525404

    إعجاب

  74. عماد عبدالرحمن متولي Says:

    اليأس من وجود شعاع نور طالما ان المخطأ لايحاسب والمجرم لايعاقب والقانون لايطبق الاعلي الفقراء ةالضمير لايسيقيظ الا في غياب الرشوه ةاصبح كل شيءمباح تلك هو واقع الحال ومن يضحك علينا بغبارات براقه وتصريحات واهيه ينطيق عليه قول القرأن الكريم ” فاستخف قومه فاطاعوه ”
    لقد ازيلت شقتي وسكني الذي يواري جسدي دون قرار ازاله وانما تنفيذا لقرار ازاله صادر ضد عقار سعد نسيم بشاره الذي خالف الرخصه رقم 181 لسنه 2008 ورقم الازاله هو 1873 ولكن عشان سعد نسيم بشاره رجل واصل ” احول ” الساده المسئولون بحي العمرانيه ونفذوا علي العقار المقابل وهو المملوك ” فارس محمد زين الدين ” وحينما قالوا السكان ان هذا ليس عقار سعد نسيم بشاره قال لهم مدير الشئون القانونيه بالحي انتم مش فاهمين حاجه مع العلم اللي كان بيكلمه دكتور مدير مستشفي سابق ولها اولاد ضباط شرطه يعني سيادته هو اللي فاهم
    وبالمرار حررنا محضر اثبات حاله في فسم شرطه العمرانيه الذي اعترض سياده النائب المحترم كيف في دوله سياده القانون وانا مواطن درجه سبعين او من غير درجه اشتكي لواء رئيس حي العمرانيه المياه لاتصعد العالي المفروض هذا الشعار يدرس للطلبه لكي لايصدموا بعد الكبر
    وحرروا محضر 126 اداري العمرانيه بانهم نفذوا ضد سعد نسيم بشاره
    وعجبي يامصر لما بتهيني ولادك وعجبي يامصر لما بتدوسي قانونك
    ورحت لوائل الابراشي الراجل اللي بيدور عن الحقيقه ويعبر عن صوت الامه ونري دي مش الحقيقه اللي بيدور عليها ولا انا من الامه اللي بيعبر عن صوتها
    الحقيقه بيدافع عن اصحاب العقارات اللي متضررين من الضرائب العقاريه اللي حتفرض علي مارينا والساحل الشمالي
    واتصلت بسيد علي مرتين قفل السكه في وشي
    وارسلت لكل القنوات واتصلت بكل القنوات منها عايز حقي وهو فين حقي وبالمصري الفصبيح وبلدنا وغيره ولكن للاسف اسمحوا لي ان اقول الفضائيات هي تصفيه حسابات لم يستطع سيد علي قفل السكه امام مرتضي منصور اثناء الحوار علي احمد البردعي رغم ان سيد علي مقتنع بحوار البردعي ولكن لاننسي ان سيد علي ابن الاهرام ( جريده قوميه )
    وايه تصفيه حسابات لشوبير ومرتضي منصور ورامي لكح اوعوا تفتكروا ان القنوات الفضائيه لخدمه العامه من الجمهور البسيط
    وانا يتخذون من الجمهور والعامه سلما للصعود لسلم الشهره الابراشي لم نسمع عنه الا عندما ركب سلم العباره وغيره ولك الله يامصرنا
    0199115912

    إعجاب

  75. Occawsmag Says:

    Hello! Can you tell me how i can …..

    إعجاب

  76. Mego Says:

    Great difference for the comments between 8 months ago & Nowadays.

    No Comment !

    إعجاب

  77. Hazem Iskander Says:

    you are right mego
    Great difference
    No Comment

    إعجاب

  78. حوراء Says:

    رائعه ريم فى كل شئ مما تعرضه من مواضيع
    واسلوب المناقشه الرائع
    وخصوصا فقره كلام فى سركم
    حقيقى ليها كل التحيه والشكر

    إعجاب

  79. dodo Says:

    السلام عليكم يا استاذه (ريم ) …….. شكرا ليكى جدا على البرنامج الرائع المذهل انتى فعلا متميزه وسيبك من اى حد بيتكلم وخلاص من غير مايكون فاهم انتى قاصده توصلى ايه وكل الناس عارفه طبعا قناه on tv مشهوره جداااااااااا …………. والبرنامج طبعا واللى عايز يشوف حاجه متميزه هيدور وهيلاقى ان شاء الله احنا مفيش عندنا ثوابت احنا عايزين المفيد واللىيهمنا ويهم بلدنا واولادنا والجيل القادم ان شاء الله وانا من محبى برنامج بالمصرى الفصيح انا واسرتى وشكرا ليكى والى الامام………. ومزيد من التفوق………

    إعجاب

  80. عمرو شرف Says:

    بصراحة انا مسنعتش البرنامج قبل كدة
    بس حاسس انه برنامج كويس
    ان شاء الله هحاول اسمعة

    إعجاب

  81. باسم مزيد بجد Says:

    بجد انتى بنت مصرية اصيلة انا من اشد معجبيكى

    إعجاب

  82. حنان عمار Says:

    ريم ماجد .. شخصية متميزة ، محترمة ، مثقفة وذات فكر واضح ومرتب .. واجهة طيبة ومعتدلة للاعلام والفكر المصري . ماعرفش ايه وجه اختلاف الناس علي القناة او البرنامج او مقدمته الجميلة .. صحيح من اعتاد انه يتابع القاهرة اليوم او الحياة اليوم او العاشرة مساءا فليتابعه ولو اراد ان يضيف لقائمة برامجه بالمصري الفصيح فليفعل في النهاية هو المستفيد ( وعيا / وثقافة / والمام بالوضع الراهن )
    اريد ان اقول انه لا مجال للاختلاف .. وانا شخصيا ما يجذبني لاي برنامج او اي قناه هو مقدمه او مقدمته .. فاذا ما احسست في المقدم انه غير متفاعل مع ما يعرضه للمجتمع او يردده بدون ايمان او اقتناع او فهم او ان المذيع يحاول ان يبرز ثقافته الوهمية دون عمق والتي تنكشف مع الوقت . فأن هذا البرنامج ما هو الا مادة طرد لي .. اما اذا كان المقدم او المقدمة علي ادراك كامل لما يقدمه واستيعاب لحجم المشكلة او المضمون ، علي درجة ثقافة كافية للمحاورة والمناورة ، كفيل باحكام مقاليد الحوار حتي لا يفلت منه زمام البرنامج .. له حضوره وطالته ، ذكي وبسيط وذو مظهر معتدل ومحترم فانني أقبل علي المشاهدة بكل شغف… وانا في رأيي ان قناة On T.v قناه فريدة في وسط زحام الفضائيات .. ومقدمتها ريم ماجد اعلامية متميزة بكل المقاييس علي المستوي المهني وحققت تلك المعادلة… اما علي المستوي الشخصي فهي فعلا شخصية جميلة وصاحبة رؤية لماحولها ومتفاعلة مع مجتمعها
    اقول ذلك لاني اعرفها شخصيا واتمني لها كل مزيد من التفوق والنجاح

    Reem : go ahead, wish you best luck and more success.. You deserve more

    Hanan Ammar

    إعجاب

  83. شيماء ياسين Says:

    انا من مشاهدى برنامج بالمصرى الفصيح ثم برنامج بلدنا بالمصرى من الجميل انك تجد حد جميل له ابتسامةجذابة ولكن الاهم انك تجد حد فاهم انا امس كنت سعيدة جدا بالحلقة كانت رائعة وخاصة الدكتور مأمون فندى اتكلم بشكل واضح عن ما يمكن فعله للضغط على اسرائيل
    شكرا ريم

    إعجاب

  84. المستشار د . / أحمد دياب Says:

    الى ريم البوادى الى الغاليه ريم ماجد
    أنت الرمز والقدوه حاليا ….. منحك الله القوه لمواجهة الحاسدين والمنافقين فتذكرى ولاتنسى فاأنت القدوه والمثل والرمز لكل مزيعات مصر .. أعجبت ببرامجك الخارجيه مع البى بى سى بقدر أعجابى بكلمات أغنية عمرو دياب لأنها تتحدث عنك وتذكرنى بك دائما ” الله عليها لما تشوفها .. ياريم عيونك سحرها والله حاجه تانيه .. جمالك أيه ماشاء الله أجمل جمال وأجمل ملاك فى الدنيا ..معقول فيه جمال كده ؟ وطبعا دى كلمات الاغنيه حتى لاأفهم خطأ ….. وتقبلى تحياتى وأمنياتى القلبيه الحاره ,,,,,,,,
    مستشار د . أحمد دياب المستشارون المتحدون
    United_consultants@rocketmail.com
    موبيل رقم : 0122889793 القاهره

    إعجاب

  85. jedTOOPdah Says:

    الى ريم ماجد
    تحية معطره من القلب … حقيقة انتي وبرنامجك مميزبن واكثر حاجة كان يشدني غير الحوارات الجادة فقرة ( في سرك ) اعتقد اسلوب طرحه كان مبتكر وجميل وقريب الى القلب اعتقد اني سوف افتقد منه الكثير بعد الاحداث الاخيرة الله يعديها على خير ومصر دائما قويه بشبابها والشرفاء امثالك وبقية زملائك الصحفين والذي خسرنا نحن المشاهدين احدهم ( ابراهيم عيسى ) …. تقبلي تحياتي.

    إعجاب

  86. zezoata Says:

    انا عبدالعزيز عطا سني 14 سنة اكتب هذه الرسالة من كل حبي لمصر ومصلحت ابنائها واحي الاستاذة ريم اكتب لكي هذا الاقتراح اريد ان ننشاء مجلس الشرفاء بدلا من مجلس الشوري بحيث يكون فيه رجال الاعمال الصلحين والشرفاء بحيث من يدخل مثلا 100 عضو وكل عضو يدفع مليون او مليار وهكذا نكون قد جمعنا مائة مليار او مليون جنيها ونتبرع بهذا القدر من المال الي مشروع التنمية او مشروع يعمل فيه الشباب الغير عاملين

    إعجاب

  87. web hosting packages Says:

    top web hosting…

    […]بالمصري الفصيح « مدونة 30 مسرة[…]…

    إعجاب

  88. Bloging to the limit Says:

    Daily Blogpost…

    […]we prefer to display other websites around the net, even when they aren’t related to us, by linking to them. Beneath are some websites really worth checking out[…]…

    إعجاب

  89. Inspired By Nature Says:

    Related.. Trackback…

    […]the time to read or visit the content or sites we have linked to below the[…]…

    إعجاب

  90. مواطن مصرى Says:

    نداء الى المنظمات الدولية بضرورة التفتيش والضغط على الحكومة المصرية بسبب تلوث نهر النيل باليورانيوم المشع موقع التلوث النووى وادى حلفا بالسودان وكمية اليورانيوم المشع فى قاع نهر النيل 3 اطنان ادت الى تلوث مجرى نهر النيل فى مصر والبحر الابيض المتوسط وتم تلوث الهواء ايضا باليورانيوم المشع بسبب مرور اليورانيوم المشع على درع كهرومغناطيسى فى مياه نهر النيل وهذا الدرع الكهرومغناطيسى يمنع مرور اليورانيوم المشع فى المياه ويرفع اليورانيوم المشع فى طبقات الهواء العليا بسبب المجال المغناطيسى الموجود فى الدرع الكهرومغناطيسى وبذلك تلوث الهواء فى منطقة الشرق الاوسط والعالم وتسبب ذلك فى زيادة نسب الامراض فى مصر والعالم وازدادت درجة حرارة الارض لزيادة نسبة اليورانيوم فى الهواء وتغير المناخ وظهر الاحتباس الحرارى بسبب زيادة نسبة اليورانيوم المشع فى طبقات الهواءوهذا التلوث يهدد العالم كله تلوث اشعاعى مائى هوائى لذلك اناشد الدول الكبرى والمنظمات الدولية بارسال فرق تفتيش من الوكالة الدولية للطاقة الذرية الى دولة مصر للتحقيق فى الحادث النووى والضغط على الحكومة المصرية بالتعاون مع المجتمع الدولى لتنقية مياه نهر النيل من اليورانيوم المشع
    علما بان المسئول عن هذا التلوث مبارك ومن بعده المجلس العسكرى وحتى الان يستخدمون هذا الدرع الكهرومعناطيسى استخدام خاطئ ليقتلوا الشعب المصرى باخطر الاسلحة النووية فتكا بالانسان
    المصدر : http://nm25.com/vb/showthread.php?t=285514
    المصدر : http://nm25.com/vb/showthread.php?t=285514

    إعجاب

  91. مواطن مصرى Says:

    نداء الى المنظمات الدولية بضرورة التفتيش والضغط على الحكومة المصرية بسبب تلوث نهر النيل باليورانيوم المشع موقع التلوث النووى وادى حلفا بالسودان وكمية اليورانيوم المشع فى قاع نهر النيل 3 اطنان ادت الى تلوث مجرى نهر النيل فى مصر والبحر الابيض المتوسط وتم تلوث الهواء ايضا باليورانيوم المشع بسبب مرور اليورانيوم المشع على درع كهرومغناطيسى فى مياه نهر النيل وهذا الدرع الكهرومغناطيسى يمنع مرور اليورانيوم المشع فى المياه ويرفع اليورانيوم المشع فى طبقات الهواء العليا بسبب المجال المغناطيسى الموجود فى الدرع الكهرومغناطيسى وبذلك تلوث الهواء فى منطقة الشرق الاوسط والعالم وتسبب ذلك فى زيادة نسب الامراض فى مصر والعالم وازدادت درجة حرارة الارض لزيادة نسبة اليورانيوم فى الهواء وتغير المناخ وظهر الاحتباس الحرارى بسبب زيادة نسبة اليورانيوم المشع فى طبقات الهواءوهذا التلوث يهدد العالم كله تلوث اشعاعى مائى هوائى لذلك اناشد الدول الكبرى والمنظمات الدولية بارسال فرق تفتيش من الوكالة الدولية للطاقة الذرية الى دولة مصر للتحقيق فى الحادث النووى والضغط على الحكومة المصرية بالتعاون مع المجتمع الدولى لتنقية مياه نهر النيل من اليورانيوم المشع
    علما بان المسئول عن هذا التلوث مبارك ومن بعده المجلس العسكرى وحتى الان يستخدمون هذا الدرع الكهرومعناطيسى استخدام خاطئ ليقتلوا الشعب المصرى باخطر الاسلحة النووية فتكا بالانسان
    المصدر :
    رد

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: