تجلى أطهر نساء الدنيا

عشرات الألاف يتجمعون فى العشرات من كنائس مصر .. انباء عن تجلى للعذراء واطياف نورانية فى سماء الكنائس فى مسرة وفيصل والزيتون وعين شمس والمرج الجديدة والنزهة والزواية الحمراء

تجمع المئات من المسيحيين و المسلمين، مساء أمس الثلاثاء، أمام كنيسة السيدة العذراء بشارع مسرة ، شبرا ، بالقاهرة لمشاهدة ما اعتبروه ظهوراً للسيدة مريم العذراء فى السماء فوق الكنيسة مباشرة، وقال شهود عيان إنهم شاهدوا نوراً يشبه الطير يحلق فوق قبة الكنيسة. انطلقت الزغاريد والهتافات  من أهالى شبرا الذين تزايدت أعدادهم أمام الكنيسة، وردد المحتشدون : “شالله يا عدرا”، و سبحان الله و يا أم النور  وتعالت صرخاتهم فرحاً وسروراً بظهور النور،

أهم هولاء الشهود بالنسبه لي هي سكرتيرتي مروه محمود التي تركتني الساعه الثامنه ألا ربع مساءاً مهروله لتتأكد و …. رأت النور
اللي عايز يعرف الحكايه كلها يسأل مروه .

نورتينا يا ست الكل

Advertisements

11 تعليق to “تجلى أطهر نساء الدنيا”

  1. تلميذتك أنا Says:

    يا مروه أيه الحكايه ؟؟؟
    عايزه أفهم شفتي أيه و عملتي أيه !؟؟؟
    و النبي يا مروه تحكي كل حاجه
    ده ستنا مريم غاليه علينا كلنا مش علي حبايبنا بس

    إعجاب

  2. marian Says:

    قوللي لنا اللي حصل

    إعجاب

  3. Adoool Says:

    فوق القبب بصو شوفو الست العدرا منوره واقفه بطل ست الكل الست العدرا الجوهره ( يا عمده العدرا اطهر نساء الدنيا صغيره اوي اوي علي ام النور لان العدرا فوق كل البشر و كل الملائكه

    إعجاب

  4. ONSY F YOUSSEF" Says:

    Emad:
    What is Marwa’s phone number? send me reply asap, thank you

    إعجاب

  5. زهير Says:

    مرحبا يا عمدة .. غريبة أننا نكتب عن نفس الموضوع في نفس الفترة رغم الاختلاف..

    العذراء هي اطهر نساء الدنيا أم المسيح عليه السلام وهو أمر لا نختلف عليه ، وأنا لا أخفيك أني لا اعلم الكثير عن هذا الموضوع في المسيحية ولا أحب أن أتدخل في ما لا يعنيني.
    لكن .. أظن كما كتبت في مدونتي أن الإنسان الأمل مسلما أو مسيحي (لأنهم يشتركون في الإيمان بمريم عليها السلام) يصبح أكثر تقبلا لتصديق انه رآها. وهو لا يكذب إن قال انه رآها لأنه يريد ذلك ومؤمن به، بحيث تصبح حقيقة لا تقبل المناقشة.
    ثم أني تساءلت .. اذا كان للعذراء أن تظهر فماذا في شبرا؟ لماذا لم تظهر في كنيسة القيامة بفلسطين؟ أو لماذا لم تظهر في الفاتيكان؟ هذه التساؤلات لمن يستطيع أن يتقبل النقاش في أمور مثل هذه وليس لمن يود أن يصدق فلا تملك معه إلا انه حر فيما يعتقد.
    أمر آخر .. اني شاهدت برنامج دريم مع منى الشاذلي واستضافت مسيحي ومسلم وجميعهم أنكروا إمكانية حدوث ذلك.

    أود التذكير أني اعبر عن رأيي الخاص ولا امثل أي رأي ديني لاني اجهل إن كانت هناك أراء إسلامية أو مسيحية عن هذا الموضوع.

    في مدونتي كنت أكثر حده ولي أسباب

    http://www.mushahed.com/?p=1186

    إعجاب

  6. مروة Says:

    انا مبسوطة انى كنت من اوائل الناس اللى شافوا الظهور ولوانى مكنتش مصدقة فى الاول وكان فى نقاش منذ يومين مع دكتور عماد ودكتور ابراهيم سرحان عن موضوع الظهور ومصدقتش الا لما شفت ومبسوطة انى فضلت ازن على دكتور عماد ومكنش موافق انى انزل وبعد مشورات وافق ونزلت كان الساعة 8 الاربع فضلت واقفة ومكنش لسة فى زحمة كان عدد قليل امام الكنيسة وكنت انا منهم وقفت تقريبا 12 دقيقة والساعة 8 ظهر فى السماء عند قبة الكنيسة هالة من الضوء الفظيع لمدة اربع اوخمس ثوانى وتعالت الهتافات والزغاريد وملحتقش اصور للا سف بس الى انا شفت لايمكن ان يكون خداع بصرى ولا هيستريا جماعية انا لمل شفت فعلا مقولتش غير كلمة واحدة وهى سبحان الله وكانت السماء رايقة جدا وعند الكنيسة مفيش وراها اى عمارات عالية اواى ضوء ممكن يكون دة انعكاسة انا شفت واخدت بركة وصدقت لما شفت منظر لاينسى فعلا سبحان الله

    إعجاب

  7. Bondo2 Says:

    أخيرا حد كتب حاجة هو شافها مش مجرد حرب و تعليقات على فيديوهات من youtube
    نفسي كل المصريين يحبوا بعض و ينسوا خانة الديانة .. انا سعيد جدا بالبوست ده و ب موضوع تاني كتبه حد في اليوم السابع و ان كنت انصح بعدم قراءة التعليقات
    http://www.youm7.com/News.asp?NewsID=169617
    عام هجري جديد سعيد
    عام ميلادي جديد سعيد
    Merry Christmas
    كل سنة و كل المصريين حلوين و أمورين و طيبين 🙂

    إعجاب

  8. aziz Says:

    سبحانك ربي…………………وكل سنه والجميع بالف خير

    إعجاب

  9. ماجد Says:

    مروة

    بتقولي نور قوي

    يعني اللي شافوه الناس نور قوي ظهر و اختفى

    (اللقطة واضحة جدا في اليوتيوب)

    امال فين العذراء؟

    الناس اعتبرت انها العذراء علشان اسم الكنيسة؟

    تذكرني ببعض الاخوة المسلمين اللي في الموالد بيقولوا جانا النبي طيب يا جماعه شفتوا ايه كلهم بيقولوا نور نزل من السماء

    بس احنا في مولد النبي يبقى النور اكيد هو النبي عليه الصلاة و السلام

    على كده لو طلع النور فوق برج المقاولون العرب يعني اكيد عثمان احمد عثمان

    انا مش ضد ان الناس تنبسط و تعيش ليله من الايام الحلوة و لو طلب مني اساعد في حاجة زي كده مش حتردد لحظة وحدة

    مجرد رأي

    إعجاب

  10. رحاب Says:

    حد يسمع كلام مروة بردة

    إعجاب

  11. رحاب Says:

    لو دكتور عماد قال كلام مروة صح يبقى صح اكتر واحد ممكن يقولنا ايه الصح هو دكتور عماد

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: