كلمة السر : الشلولو

الحقيقه أني كنت  مجهز كام تدوينه  ولم أجد الوقت الكافي لنشر أي منهم .(مفروض يوم القاهره يبقي ١٠٠ ساعه ). تدوينه عن فيلم أنا أسمي خان و أنا لست ارهابياً  و دعوه للتسامح . و تدوينه عن كاتبه  السيناريو الشهيره مريم ناعوم و الحب رغم اختلاف الأراء . و تدوينه عن عادات و ذكريات أسبوع الألام و أبوغالمسيس (  تعريب لكلمة أبكلمسس اليونانيه و تعني الرؤيه )  شم النسيم  و الفسيخ الذي أكره رائحته  . قلت ف  عقل بالي أدينا رايحين الفيوم  لمدة ٤٠ ساعه تقريباً  ، اكتب هناك بمزاج . اديني أهو في الفيوم و أكلت الشلولو  ( ده لوحده لغز فرعوني لا يعرفه إلا قلائل اخرهم أمال خالة مني  )و عملت دماغ منه  .و الموبايل مش راضي ياخد أجازه ، كمان كم ساعه ح نفطر علي مالذ و طاب و لكن  الأكل لا يغريني . الإستمتاع برؤيتهم  كم كبروا و نضج الكبري كم هي عاقله و شقاوة الصغري كم هي مجنونه . انتظر تهاني الأحباء ،استرخي و لو قليلاً .  المغبشه هذا وقتها  …. الساعات تسرع وقت الراحه .. أنسي ،اعملك غسيل مخ لو كنت أكلت فول نابت و طعميه بالسمسم  كنت بجد  أديت أجازه لعقلك  اللي ح  يجنني .. بكره الأجازه تخلص و ترجع القاهره و أعرف أديك علي نافوخك . شم النسيم براحتك و عيد بمزاج  و كل سنه و أنت و أنتم طيبين .

Advertisements

3 تعليقات to “كلمة السر : الشلولو”

  1. إيمانيات Says:

    وانت طيب يا دكتور و مقضيها شلولو

    إعجاب

  2. fofa Says:

    ممكن اعرف ما هو الشلولو كنت اسمع انه الفول الاخضر مسلوق ويرش عليه ملح وشطة هو دة الشلولو

    إعجاب

    • Dr. Emad Says:

      الشلولو أكله صعيدي عباره عن ملوخيه ناشفه علي ميه و فس توم و شوية بصل و ممكن قوطه و أعصر لمون و ملح و فلفل ..

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: