نداء إلي الشباب الحبيبه : خليكوا طائفيين

مشكلة الشباب الحبيبه مشكله عويصه ،مشكلتهم  أنهم بيسرحوا بعقول بالبنات و يوعدوهم بالجواز و شويه شويه بيصدقوا نفسهم و تمر الأيام و الواد السيس لا جه و لا اتقدم و لا أتنيل ..الكلام ده في كل المستويات الاجتماعيه .. ساعات  تبتدي البنت تفوق و تشوف الضرر اللي حصل و ده يتراوح من ألم نفسي بسيط ، مرورا بصرفها عليه لأن معظمهم سناكيح وصولاً إلي ما لا يحمد عقباه و ساعات تانيه مابتفوقش علشان هي مش عايزه تفوق و هنا الضرر حيحصل حيحصل . المهم الريحه بتطلع و الأهل بيعرفوا و بتحصل مصايب و أسهلها علقه سخنه و أصعبها موت الواد و ساعات البت ، لغاية هنا .. مفيش جديد ده حديث الصباح و المساء ، يعني عايز تقول أيه !!..لو الولد و البنت الاتنين مسلمين أو الاتنين مسيحين ،أحيانا كتيره و لا حتي بنسمع عن الموضوع أصلاً ، حتي لو فيها قتل .. الكارثه لو الولد مسيحي و البت مسلمه أو الولد مسلم و البت ميسيحه .. المصيبه تتحول إلي كارثه .. و قتل و دمار و كراهيه و احتقان و فتنه و الحقيقه مفيش غالب و لا مغلوب .. الكل مغلوب و ساعتها محدش حيقول الواقع الأقتصادي و كارثة العنوسه و المخدرات و الجهل و التربيه الخاطئه هما الأسباب التي تؤدي إلي الكوارث، ح يتقال مقصوده مقصوده مقصدوه

الرجاء من كل الشباب السيس خليكوا رجاله و شوية أخلاق ،أكنها أختك يا واد ، بس لو مصممين تفضلوا زباله ساعتها  خليكوا طائفين، خلوها مصايب مش كوارث .. مصر مش مستحمله الصنف المضروب اللي بتتهببوا تتعاطوه                                                                                      ربنا يستر 

Advertisements

3 تعليقات to “نداء إلي الشباب الحبيبه : خليكوا طائفيين”

  1. Abdou Ismai,fbl Says:

    ماهو ده اللى بنقوله من الصبح للمساء وبرضه مفيش فايده

    إعجاب

  2. fofa Says:

    المشكالة ان الحب لا دين له

    إعجاب

  3. ماريكا Says:

    عشان ده مش حب اصلا
    دى اسمه ولع افتان اى حاجة مؤقتة ييمكن عشان الشكل ولا الوحدة وجايز حسسوا ببعض شوية جايز علاقة مشبوها
    لو بيحبوا بعض بجد اوى كده كانوا خافوا على بعض وعلى اهليهم وعلى الناس اللى بتحبهم
    لو بيحبوا بعض بجد كان كل واحد بعد عن التانى واتمنى لية حياة كويسة وتوفيق من ربنا
    لو بيحبوا بعض بجد متوصلش لى ان الريحة تفوح وتطلع وتحصل مصايب
    اقول اية بس ولا اية الحب حاجة حلوة وجميلة وكلها محبة واحترام متجبش ابدا المصايب

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: