Posts Tagged ‘مصر’

ذكري الحلم الذي صار كابوساً

25 يناير 2013

صورة

و النهارده جاي تقولي يلا بينا الحلم فات،،، يا سيدي سبنا نحلم الحلم مالوش ميعاد

ماهم سرقوها و نهبوها و خربوها .. و كلنا علي قفانا واخدين، و كل أنواع الخوازيق لابسين

سبني أحلم و لو ثواني، قبل ما أرجع للغم تاني

سبني أصرخ ، يسقط نظامهم   يمكن بكره اصحي الأقيهم غاروا  و يمكن علي نفسنا كابسين

لو حلمنا يمكن نعيش و يمكن نموت… بس  لو بطلنا نحلم نموت  أكيد ح نموت

صورة

Advertisements

2013 just another year

31 ديسمبر 2012

  سنة البغضاء  2011

 سنة   الهراء   2012

 سنة  الخراء  2013

سنه سعيده .. استمتعوا و  في قول  أخر البسوا  ..

صورة

مينا دانيال … حزن و دموع و فرح

11 أكتوبر 2011

مينا دانيال شاب كان يحلم بمصر أخرى  بعد ثورة كان واحدا ممن شاركوا فيها بكل ما استطاع قلبه وعقله وروحه  .. لكنه كان على موعد مع الرحيل في ماسبيرو .. حلم مينا بالحرية والعدالة و أسس مع حالمين مثله التحالف الاشتراكي.. لم يصنف يومأ علي أنه ناشط قبطي بل مصري مصري مصري …  لكن الموت كان في انتظاره في ماسبيرو برصاص الغدر .. مينا شاب أوجع رحيله قلب مصر ..  

يا عسكري واقف بالفرس على جتتي , لا انت البطل ولا انت فتوة حتتي , يوم ما تقول هاخد البلد .هقولك خدها بس على جثتي

 

حزن و دموع و فرح

يا مصر ليه بتموتي ولادك

يا حبيبتي لميهم كلهم تحت جناحك.. خدي بالك

منيا حلمه ضاع ف اتقتل و أنت و لا علي بالك

أبكي ع اللي راح، أصحي ضمدي الجراح .. دول كلهم عيالك

The coffin

21 مايو 2011

the coffin.. Movie worth seeing .. The film is inspired by a true story .. Please, whatever your religion or your nationality, share the film to let the largest number of people  watch it ..  they may understand the meaning of love


صندوق خشب .. فيلم من مصر .. فيلم  يستحق المشاهده .. احداث الفيلم مستوحاه من قصه حقيقيه .. أرجوك مهما كانت ديانتك أو جنسيتك ، شارك الفيلم ليراه أكبر عدد من البشر .. لعلهم يفهمون .. معني الحب  

( الفيلم مترجم إلي الأنجليزيه ) 

المصريون و .. الجهل

17 مارس 2011

المصريون و .. الجهل

الجميع في مصر المحروسه في قمة التدين ( قول ماشالله ) و مستعدين لبذل الغالي و الرخيص دفاعاً عن الدين .. و قتل العدو ، لكن يا خساره دون أن يعرفوا من هو العدو ، يا أحبائي المسلمين أن الأقباط ليسوا اعدائكم ، يا أحبائي المسيحيين أن المسلمين ليسوا اعدائكم .. كلنا في الهم سواء .. منذ سنوات و سنوات لفت نظري الصديق زهير الغامدي إلي ملحوظه دينيه اسلاميه بسيطه ابلغت بها أحد الزملاء .. بعدها قررنا أن نعمل دراسه عن المعلومات الدينيه  لشرائح مخلتفه من الشعب المصري .. اضفنا في الدراسه المسيحين .. امتدت الدراسه سنوات .. افترقنا أنا والصديق ، حتي الأن مازلت مروه تطرح نفس الأسئله . .. للجميع  .. أعرض بعد النماذج فقط و لا انتظر اجابات

اسئلة المسلمين:

1  أي شهر هجري الأن ؟(في غير رمضان طبعاً)

2 أكمل الإيه :و كفي الله المؤمنين ….

3 ما الفرق بين الحديث الشريف و الحديث القدسي

اسئلة الأقباط :

1  أي شهر قبطي الأن  

2 يعني أيه ال أبو غالمسيس

3 ما هي ال أبوكريفا

جرب تسأل الأسئله و سوف تدهش … بعدها نبتدي نفكر و نعرف مين العدو و ازاي نتعامل معاه .. بس بسرعه علشان نفتكر النيل اللي كلنا نسيناه ،بمناسبه النيل،احنا البلد الوحيد في العالم اللي فاكر نفسه دولة منبع مع أنه دولة مصب  أقولك علي أول عدو أسمه الجهل  …    يا خوفي عليك يا مصر

كله تمام يا ريس ؟

6 فبراير 2011

عاده يتم اقصائي جانباً مع حضور أي تفتيش في العمل لأن لا أسطيع الصمت ، حاولوا معي مراراً  و مراراً وفشلوا في اقناعي و فشلت أن أصمت ..حاولت و حاولت بدون جدوي .. بتلقائيه دربت نفسي علي الأبتعاد لاقتناعي التام أن مفيش فايده.فالجميع اعتادوا علي أجابه واحده  (كله تمام ) و خلي اليوم يعدي.

اليوم أيضاً أبلغك أنه كله تمام يا ريس ….

– فقد تم قطف الورد اللي فكر يتفتح و تم  قتلهم بالرصاص الحي

– انسحبت الشرطه، مش من ميدان التحرير بس انسحبت من كل بر مصر المحروسه   

– مئات و مئات تم سحلهم و ضربهم و رصاص مطاطي و طوب

– تم  رعبنا علي حياة اولادنا .. و تعرضنا للبلطجيه و الحراميه و اللي عاملين شرطه و اللي عاملين اسعاف

–  تم أطلاق فرقه الجمالين والجياد وحتي الحمارين  بس ركبنا عليهم صيع و شمامين

– تم خراب الأملاك العامه و الخاصه وشيت حرائق ،و الفلوس خلصت و الحاجه غليت.

– العالم كلوا أشاد المره دي بحكمة الشباب و شجاعتهم مش بحضرتك

– المجرمين هربوا ووصلوا بيتوهم في غزه

– خسرنا شويه مليارات و مليارات و الفاتوره ملهاش أخر

-لكي يصدق الجميع أنها أزهي عصور الديمقراطيه و أنه جيل الشفافيه فقد هاجمنا كل القنوات المشبوهه و جبنا الصوره التي طالما تمناها الشعب …الكورنيش و هو فاضي علشان كل واحد يمشي براحته هو و المزه بتاعته-

– حاولنا أن يرحل الشعب  و لكن هؤلاء الأجانب الخونه  رفضوا اعطاءنا 80 مليون تأشيره .. نكرر خونه 

كله تمام يا ريس


%d مدونون معجبون بهذه: